Home homepage Yvan muziki yoba yafatanywe ibiyovyabwenge canke yafashwe kumvo z'amatohoza?

Yvan muziki yoba yafatanywe ibiyovyabwenge canke yafashwe kumvo z’amatohoza?

Haracarimwo igipfungu cinshi mu nkuru y’ifatwa rya Yvan Muziki mu gihugu ca Uganda, kuko hataratomoka neza ngo hamenyekane ibiyovyabwenge yafatanywe uko bingana.

Ikiyovyabwenge co mu bwoko bwa Heroine kingana n’ibiro 16 n’igice, nico giheruka gufatirwa ku kibuga c’indege ca Entebbe mu gihugu c’Ubugande. Ico kiyovyabwenge kikaba cari kinyegeje mu bikoresho bitandukanye birimwo amasakoshi, ibirato co kimwe n’ubudede nkuko tubikesha ibinyamakuru vyo muri ico gihugu.

Ayo makuru dukesha ivyo binyamakuru akabandanya avuga ko abantu 7 aribo bafatanywe ico kiyovyabwenge, muribo hakaba harimwo umurundi afise impapuro z’inzira z’igihugu c’Ububirigi.

Uwo murundi hahavuye hamenyekana ko ari Ndikumana Yvan benshi bazi nka Yvan Muziki, uyo akaba asanzwe aba mu gihugu c’Ububiligi aho asanzwe afise n’umuryango. Ntiturabasha kumenya nimba uwo murundi yarafisemwo ibingana gute? canke yoba yabeshewe, agafatwa mu ntumbero z’amatohoza.

Naho tutabashije kumenya neza umusi babafatiye, ibinyamakuru bitandukanye twabonye vyanditse iyo nkuru muri ico gihugu, vyayanditse hagati y’igenekerezo rya 14 na 15 rusama, bigashoboka ko hoba hari muri iyo misi nyene.

Tukaba tutarabasha kumenya ibihano amategeko ateganya mu gihe umuntu yagiriwe n’icaha c’ukudandaza ibiyovyabwenge muri ico gihugu.

Amakuru dukesha ivyo binyamakuru nyene akavuga ko igipolisi kiraba uruja n’uruza kuri ico kibuga c’indege, cabafashe cisunze amakuru cahawe ko hari ibikoresho bishobora kuba binyegejwemwo ibiyayuramutwe bigiye kwinjira muri ico gihugu biciye kuri ico kibuga c’indege.

Facebook Comments

Most Popular

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Facebook Comments