Home Burundi #Urwevu| Disipiline niyo izogukura mw'ibohero ry'ibinyamubiri vyakuganje.

#Urwevu| Disipiline niyo izogukura mw’ibohero ry’ibinyamubiri vyakuganje.

Isanamu ngereranyo y’umutekamutwe

Uko twagiye turatohoza muvyo abaciye urwevu imbere yacu bavyanditse, twasanze koko umuntu ibimutera ingorane, inzitizi ziwe afise ziri muri we nyene.

Ivyo vyose bigushikira bigushikira kubera hari ibiri muri wewe nyene vyabikweze. Ivyo vyose urimwo uwu musi , ni ibiri muri wewe nyene. Ugendana n’abantu babi? Niwe wewe nyene wabakweze kuko muri wewe harimwo ikibi utazi, utazi n’amamuko yaco, mubona ko bitobura niyo biva.

Urakenye? Ntuheze ngo uce wibaza ngo ni ukubera bino na biriya. Eka na mba! Hariho imvo ziri muri wewe nyene, zivanye n’ukuntu wiyumvira, amamuko yawe, uko ubona ibintu … vyatumye.

Niwamara guca urwevu ukumva ko inguvu canke ukugoyagoya kwawe biri muri wewe nyene, uzoba uriko urakira. Niwamenya ko , nimba wemera Imana, ukwiye kumenya ko iba muri wewe nyene imbere y’uko iba mw’ijuru, uzoba uriko uraca urwevu kandi uzoheza wame uzirikana ko ivyo wiyumvira, ivyo ukora winyegeje vyose ivyumva canke ikabibona ntya!

kenshi rero nk’uko abahinga babivuga, igituma duteba tugatuna inzitizi zigatondera, ngo n’uko duhava tugasanga twararemaye, tukama twibaza ngo tugowe n’ibiva hanze , kumbe ntitumenye ko n’ivyo biva hanze biba bije kubera ibiri muri twebwe nyene.

Abasokuru barayamaze bati” Uwanka isanzi ata akanuka”. Nimba ubukene ari isazi, ukabona bwagutondereye, umenye ko hariho akamoto ( imvugo mbabariramatwi) bukwirikirana muri wewe. Aho mu vyiyumviro vyawe, aho mu bishobisho vyawe, harimwo ibinyamubiri( les émotions négatives) biza biraguhebuza , maze bukebuke, bikaguhendahenda , mutarinze n’ukunigana , ugasanga umwaka wose urarangiye wiyicariye aho nyene , wiraramiye, uwugize aravuga , ugaheza ukamiza inyishu hafi” Nta buzi bukihar”, Umushahara ntukwiye””.. gutyo bukebuke ukazohava ukazinga ibirango ukaryama mu kabande k’ibibazo , ugatuna bugatondera.

Ca Urwevu, umenye umwansi wawe uwo ari, aho ari , n’ukuntu akora.

Discipiline niyo yonyene izogukurako ibinyamubiri vyakugize imbohe ku ruyeri ku rwenge.

UWANKA ISAZI ATA AKANUKA

 

 

Facebook Comments

Most Popular

Success: Mbega weho ku bwawe succès ni iki? Ni ukugira amafaranga menshi?

Abandi banditsi batandukanya bagiye bariyumvira définition boha ijambo "succès" basanga  ntivyoroshe. Nk'uwitwa Jim Rhon mu gitabo yanditse citwa' 7 Strategies for Wealth and Happiness"...

Mista Champangne yagirijwe uburozi, batanga n’ivyemezo

https://www.youtube.com/watch?v=RSdpqBI8WlM Mista Champagne yagirijwe uburozi impande zose, haba mu baririmvyi co kimwe na bamwe mu bahoze ari abamenyeshamakuru, ariko bagikurikiranira hafi ivy'uwo muziki. Inyendamuvano ni Post...

# Indundi Sports| Rallye yungururijwe ku yindi sango ku mvo z’urufpu rw’umunywanyi wayo

  Komite shingwa bikorwa (Exécutif)ya Club Automobile yo mu Burundi muri Rallye iri n’umubabaro mwishi wo kubamenyesha urupfu  giturumbuka rw’umunywanyi wayo. Niyonkindi Didier akaba yitavye Imana...

# indundi Sports | Jimmy Ndayizeye ngo Saidi Ntibazonkiza niwe azoheka Yanga Africans

  Umumenyereza mukuru w’umugwi nserukira gihugu w’intamba mu rugamba Jimmy Ndayizeye yavuze ko umukinyi w’intamba mu rugamba Saidi Ntibazonkiza niwe azoheka umugwi Yang Africans mu...

Facebook Comments