Home homepage Alain Olivier Niyungeko arahakana ko agiye kugurirwa ingendeshwa na Berahino

Alain Olivier Niyungeko arahakana ko agiye kugurirwa ingendeshwa na Berahino

Nta ngendeshwa Alain Olivier Niyungeko agiye kugurirwa na Berahino kiretse iyo azoba yiguriye mu mahera yiwe.

Hari amakuru amaze imisi akwiragira hose avugwa na bamwe mu bakunzi b’umupira w’aguru mu Burundi y’uko Saido Berahino yoba agiye kugurira ingendeshwa nshasha umumenyereza wiwe Alain Olivier Niyungeko akarekana niyo yari asanzwe afise iri mu bwoko bwa Spacio .

Hari n’ayandi makuru aguma avugwa y’uko umumenyereza w’intamba mu rugamba Alain Olivier Niyungeko yoba yagize Saido Berahino kizigenza w’intamba bivanye n’uko yoba yamwemereye iyo ngendeshwa ivyo vyose nta muco wari wabonetse yaba kuri Berahino canke kuri Alain Olivier Niyungeko.

Inyuma y’ayo majambo yose Indundi Sports yegereye Alain Olivier Niyungeko kugira ashobore gutanga umuco kuri ayo majambo amaze imisi ariko aravugwa, Alain Olivier Niyungeko akaba yamiriye kure ayo majambo yose ariko aravugwa kuko ngo nawe arahembwa nk’abandi kandi nta mahera yoba abuze yo kugura iyindi ngendeshwa nshasha mbere aranereka Indundi Sports amahera asanzwe afise kuri Compte yiwe .

Naho biruko uyo mumenyereza kandi ntiyanse y’uko mu misi iri imbere ashobora guhindura ingendeshwa yari asanzwe afise akagura nshasha.

Akaba yagize ati ” ivyo mwabikuye hehe ngo y’uko noba ngira ngurirwe ingendeshwa nshasha na Berahino? Jewe rero sinkora? Simpembwa? Mushobora gutuma mpitamwo no kutagura iyo ngendeshwa yanje nshasha bivanye n’amajambo mutanguye kuvuga”.

Abajijwe y’uko yoba yahaye ubukizigenza bw’intamba mu rugamba Saido Berahino kumvo z’iyo modoka uyo mumenyereza yasubiye arabihakana aravuga y’uko ari ikinyoma cambaye ubusa.

Indundi Sports yasubiye kandi irondera Saido Berahino kuri ngendanwa yiwe iramubura niho guca ironka Manager w’intamba mu rugamba Mutima Costantin yama ari hafi yiwe uyo nawe akaba yatanze umuco y’uko ico ari ikinyoma cambaye ubusa ngo ni amajambo y’abantu baguma bivugira ico bishakiye .

Mutima akaba yagize ati : “Ivyo sivyo na gato n’ikinyoma cambaye ubusa ahubwo n’ajambo y’abantu baguma bavuga ivyo bishakiye”.

Alain Olivier Niyungeko akaba ahembwa amafaranga arenga umuriyoni umwe w’amarundi biragoye kuvuga y’uko yobura amahera yo guhindura ingendeshwa mbere n’amahera yerekanye Indundi Sports kuri Compte yiwe n’amahera ashobora kugura ingendeshwa nshasha kandi iri mu bwoko bwiza.

Facebook Comments

Most Popular

George Gatogato na Paficque mu bahagarikizi bazohagarikira CHAN 2021

Kuri uyu wa kabiri igenekerezo rya 2 Kigarama 2020, igisata kijejwe gutora abahagarikizi bazohagarikira inkino mpuzamakungu muri CAF cashize ahabona abahagarikizi mpuzamakungu bazohagarikira inkino...

Abakinyi ba Messager Ngozi bashitse neza i Bujumbura

Kuri uyu wa kabiri igenekerezo rya 2 Kigarama 2020, niho umugwi Messager Ngozi washika i Bujumbura uvuye Eswatini gukina urukino rwa CAF Champions league...

Ubwoko bw’ubuja bwibonekeza mu gihe ca none

Ubuja bwo mu gihe ca none ngo bugizwe ahanini n’urudandazwa rw’abantu, ugukoresha abantu mu rudandazwa rw’igitsina, ikoreshwa ry’abana, ukurongoza abantu ku nguvu, hamwe no...

Urwevu: Ukuborerwa vyoba bijanye n’agaciro ”ubuntu” ( la dignité) ?

Iyo umuntu yanyoye utuyoga rero akarenza kugera aho abantu bavuga ko yaborewe, haba hari ibintu vyinjsi vyabaye mu bwonko. Biba bisa n'ivyabaye nk'uruzi rwasebuye,...

Facebook Comments