Home Burundi Jiji Seven yuguruye urubuga ruzodandaza umuziki ndundi

Jiji Seven yuguruye urubuga ruzodandaza umuziki ndundi

Isokomusic n’urubuga rw’uwitwa umuririmvyi uwariwe wese w’umurundi, yaba uwuririmba indirimbo zihimbaza Imana, canke izikunze kwitwa ko ari iz’isi.

Isokomusic n’urubuga rugiye kugurisha umuziki w’abarundi, urwo rukaba ar’urw’umuririmvyi Jiji Seven, akaba azobikora abicishije muri Company yiwe yise 7music ifise icicaro gikuru muri Sweden iyo asanzwe aba, ariko n’i Bujumbura iyo Company ngo yaramaze kuyandikisha.

Mu kiyago yagiranye natwe yatubwiye ko urubuga yarushinze kugira rubere isôkó -Source- ry’umuziki ndundi baba abarundi co kimwe n’abanyamahanga. Ariko kandi akaba yanarushinze ngo Kabe akaryo ku barundi baba mu mahanga babashe gushigikira umuziki ndundi.

Iciyumviro c’ukurushinga ngo n’ico kuva kera, ariko vyabanje kumufata umwanya wo kurondera uburyo bikorwa, ngo bikunde ntazohave asanga abikoze ukitariko. Ikindi kandi ngo iyo company yiwe ntizokora ico gusa, kuko afise ibindi bisata vyinshi azokoreramwo, birimwo n’ugutegura imanza zitandukanye, ari naco gituma agiye kuza I Bujumbura kugira aharondere umurwi bazokorana.

Ku bokwibaza ko yoba yashinze urwo rubuga ngo abasanzwe ari baririmba indirimbo zihayagiza Imana abe aribo barubonekako bonyene arabahumuriza. Ngo Isokomusic n’urubuga rw’uwitwa umuririmvyi w’umurundi wese, yaba uwuririmba indirimbo zihimbaza Imana canke uwuririmba izo bakunze kwita iz’isi.

Uko Isokomusic iboneka ukoresheje mudasobwa -Computer-

Mu makuru yacu yo hanyuma tuzogaruka ku buryo urwo rubuga rwa Jiji seven avuga ko rutandukanye n’izindi. S’ico gusa tuzonagaruka Ku bisabwa ngo ubashe kwemererwa gushirirwa ururirimbo kuri urwo rubuga rwa Isokomusic.

Mwokwibuka ko Jiji Seven abarizwa muri Sweden haraheze igihe kitari gito, aho amaze kunonosorera ubumenyi butari bike mu bijanye n’ukuririmba, eka n’ubundi buzima butandukanye

Facebook Comments

Most Popular

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Facebook Comments