Home homepage Ngo ibiriko bivugwa kuri Berahino sivyo

Ngo ibiriko bivugwa kuri Berahino sivyo

Ngo ivyo ikinyamakuru co mu bwongereza Dail mail coba canditse y’uko kizigenza w’intamba mu rugamba Saido Berahino yoba agiye kugurwa n’umugwi wo mu cicaro cambere wo gihugu c’ububirigi witwa Zulte Waregem bivanye n’uko yabonetse mu myimenyerezo y’uwo mugwi ngo sivyo .

Kuri uyu wa wambere waraye uheze igenekerezo rya 15 Mukakaro umwaka wa 2019, ikinyamakuru co mu bwongereza Dail mail caraye canditse y’uko kizigenza w’intamba mu rugamba Saido Berahino agiye gukina mugwi wa Zulte Waregem wo mu gihugu c’ububirigi kumvo z’uko yoba yatanguye imyimenyerezo muri uyo mugwi.

Indundi Sports imaze kubona iyo nkuru yaciye yegera Manager w’intamba mu rugamba Mutima Constantin akunda kuba ari hafi y’uwo mukinyi kugira atange umuco ku biriko bivugwa kuri Saido Berahino .

Mutima akaba yabwiye Indundi Sports y’uko ivyo ikinyamakuru Dail mail canditse atarivyo kandi gukora imyimenyerezo muri uyo mugwi wo mu Bubirigi ngo ntibica bisigura y’uko yoba agiye kuwukinira ngo gushika ubu uyo mukinyi ntarahitamwo umugwi azokinamwo mwihiganwa ry’umwaka wa 2019- ushira uw’2020 .

Mutima akaba yagize ati : “gukora imyimenyerezo mu mugwi Zulte Waregem wo mu Bubirigi ntibica bisigura y’uko yoba agiye kuwukinira , amaze kuronka imigwi myinshi imwipfuza harimwo imigwi yo mu gihugu c’Uburusia, America , Ubwongereza, Ubutariano hamwe Tirikiya ariko gushika muri kano kanya ntarahitamwo umugwi azokinamwo mw’ihiganwa ry’umwaka wa 2019 ushira uw’2020”.

Saido Berahino akaba yarakiniye imigwi ya Best brom Albion hamwe na Stock City ikaba imaze kumurekura arondera uwundi mugwi yokinira.

Facebook Comments

Most Popular

Ivyokorwa kugira umutekano utsimbatare mu gisagara ca Bujumbura

«Ukurwanya amarigara no gushira amatara ku mpangu ngo ni bimwe mu vyofasha kwongereza umutekano muri komine Mukaza mu gisagra ca Bujumbura. » Ivyo ni ivyashikirijwe kuri...

Imyambaro ishika ku 500 yanditsweko Saidi Ntibazonkiza igiye gushirwa ahabona

  Uwusanzwe ari umuvugizi wa Yang Africans Antonio Nugaz yavuze y’uko umukinyi w’umurundi Saidi Ntibazonkiza agiye kwitegurirwa bimwe bikomeye. Mu kiganiro yakoranye n’imwe mu mboneshakure yo...

Breaking news: Papa Bouba Diop wa Sénegal yaraye aryamiye ukoboko kw’abagabo

Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye...

PLB : Uku niko imigwi igiye guhura kundwi ya 12

  Inyuma y’aho inkino za CAF Champions league hamwe na CAF conféderation Cup zirangiriye mu mpera zindwi iheze aho imigwi yacu yari yaserukiwe na Messager...

Facebook Comments