Home Development Ishirahamwe ry'abayapani JICA rigiye gusubira gukorera mu Burundi

Ishirahamwe ry’abayapani JICA rigiye gusubira gukorera mu Burundi

Inyuma y’imyaka ine ishirahmwe mpuzamakungu ryogufashanya ry’ubuyapani JICA rihagaritse gukorera mu Burundi, ryongeye kwugurura ibiro vyaryo ku mugaragaro kuri uno wa gatanu igenekerezo rya 9 Myandagaro umwaka w’2019. Iryo shirahamwe ryari ryahagaritse ibikorwa vyaryo mu mwaka w’2015, ngo bivuye ku bihe bitoroshe igihugu c’Uburundi cariko kiracamwo.

Muvyo JICA igiye kwihutira gukora n’ukubandanya imigambi yari yarahagaze, aha umugambi ugiye kuja imbere akaba ari isanurwa n’isubirwamwo ry’ikivuko ca Bujumbura, amasezerano y’ivyo bikorwa akazoterwako umukono muri uku kwezi kwa Myandagaro nayo ibikorwa nyezina bitangure mu kwezi kwa Gitugutu uyu mwaka nyene. Ikindi iryo shirahamwe ngo rigiye kwihutira ni uguteza imbere uburimyi bw’igiterwa c’umuceri mu kiyaya c’imbo. Ivyo bikaba vyamenyeshejwe na Shin Maruo aserukira ishirahamwe JICA.

Ku ruhande rwa Reta y’Uburundi, umunyamabanga ntayegayezwa mu bushikiranganji bw’imigenderanire n’ayandi makungu Isidore Ntirampeba yamenyesheje ko Reta y’Uburundi inezerejwe cane n’uko iryo shirahamwe JICA rigarutse gukorera mu gihugu cacu, amenyesha ko igaruka ry’iryo shirahamwe gukorera mu Burundi ko ari ikimenyetso cerekana ko amahoro n’umutekano vyagarutse hano mu gihugu. Agahamagarira n’abandi bagwizatunga b’abayapani hamwe n’abandi bose kuzana imitahe yabo, Reta nayo ngo ntaco itazokora kugira ibandanye ibungabunga amahoro n’umutekano

Twobibutsa ko ibiro vy’ishirahamwe JICA biri mu Burundi kuva mu mwaka w’1981. Muri kino gihe bigiye gukoresha abakozi bane b’abarundi hamwe n’abahinga babiri b’abayapani.

Facebook Comments

Most Popular

Ba Musitanteri baronkejwe ingendeshwa nshasha

Inyuma y'inama yagirishije ba buramatari hamwe na ba musitanteri bose ku murwa mukuru wa poritike i Gitega, Umukuru w'igihugu Evariste Ndayishimiye, kw'izina rya Reta...

#Tanzania Ports Authority : Abagwizatunga b’abarundi bagiye kuharonkera akunguko

Iryavuzwe riratashe, inyuma yaho umukuru w'Igihu c'Uburundi Evaliste Ndayishimiye agendeye mugenziwe  John Pombe Magufuli mu  gihugu kibanyi Tanzania, bimwe muvyapfunditswe vyatanguye  gushirwa mu ngiro.   Kuri...

Umukuru w’igihugu abahamagarira kubera akarorero abandi

Umukuru w'igihugu c'Uburundi asaba ba musitanteri na ba buramatari bose kubera inyishu abanyagihugu barongoye. Evariste Ndayishimiye yabivuze kuri uyu wa gatanu igenekerezo rya 23 Gitugutu...

# Indundi Sports | hoba habuze bande mu rutonde rw’abakinyi bagiye kwitegurira Mauritania?

  Kuri uyu wa Kane igenekerezo rya 22 Gitugutu 2020, abamenyereza b'intamba mu rugamba baraye batumyeko abakinyi 27 bakina hano iwacu bagiye gutangura imyimenyerezo yo...

Facebook Comments