Home homepage Saido Berahino yaraye afashije Zulte Weregem gutsinda Royal Antwerp

Saido Berahino yaraye afashije Zulte Weregem gutsinda Royal Antwerp

Kuri uyu wa Mungu waraye uheze igenekerezo rya 01 Nyakanga umwa wa 2019 isaha zibiri z’ijoro 20h mu masaha yo mu gihugu c’Ububirigi niho umugwi Zulte Weregem wari waramutse wakira imugwi wa Royal Antwerp ukinamwo umukinyi w’umu congomani Dieu-Merci Mbokani mu rukino rw’umusi ugira gatandatu w’ihiganwa ryo mu cicaro ca mbere mu gihugu c’Ububirigi, urwo rukino rukaba rwarangiye Zulte Weregem utsinze Royal Antwerp ibitsindo 2-0.

Saido Berahino ari mu baraye bafashije umugwi wa Zulte Weregem kuronka intsinzi aho ariwe yatanguye kwinjiza igitsindo ca mbere ku munota wa 34 nayo icakabiri cinjijwe n’uwitwa Defauw ku munota wa 41 w’urukino .

Saido Berahino akaba yaciye akwiza ibitsindo 3 mu nkino 4 amaze gukinira uyo mugwi wa Zulte Weregem .

Uyo kizigenza w’intamba mu rugamba akaba yitezwe gushika i Bujumbura kuri uyu wa kabiri igenekerezo rya 03 Nyakanga umwaka wa 2019, aho azoba aje kwifadikanya n’abandi bagenziwe b’intamba mu rugamba mu rukino ruzoba ku musi wa gatatu igenekerezo rya 04 Nyakanga umwaka wa 2019 isaha icenda 15h00 ku kibuga c’intwari .

Facebook Comments

Most Popular

Umugwi Musongati Fc washitse neza i Lusaka muri Zambia

  Umugwi Musongati Fc wo mu ntara ya Gitega waserukiye Uburundi mu mahiganwa ya CAF Confederation Cup waraye ushitse neza i Lusaka mu gihugu ca...

PLB : Uku niko imigwi izohura kundwi ya 13

  Kuri uyu wa gatandatu igenekerezo rya 05 na 06 Kigarama 2020, ihiganwa ryo mu cicaro ca mbere mu Burundi Primus league rizobandanya kundwi yaryo...

Olivier Niyungeko niwe yatahukanye agashimwe k’umumenyereza w’ukwezi kwa Munyonyo

  Ata gukekeranya umumenyereza w’umugwi Vital’o Fc akongera akaba icegera c’umumenyereza w’intamba mu rugamba Alain Olivier Niyingeko niwe yatahukanye agashimwe gasanzwe gatangwa na BCM Burundi...

Ahamagarira abana kwiga urukino rwa Karaté

Mu bihe vy’ibiruhuko abamenyereza mu nkino zitandukanye baratunganya ivyirwa ku bana baba bari mu karuhuko, nko mu nkino za Football, na Basketball hamwe na...

Facebook Comments