Home homepage Ikiziga ca Perezida Mugabe caraye gishikanwe muri Zimbabwe

Ikiziga ca Perezida Mugabe caraye gishikanwe muri Zimbabwe

Ikiziga c’uwahoze arongoye igihugu ca Zimbabwe Robert Mugabe caraye gishikanwe muri Zimbabwe kuri uyu wa gatatu igenekerezo rya 11 Nyakanga  2019 kivanywe muri Singapour aho yapfiriye mu mpera z’indwi iheze mu ntumbero yo gutegura ibirori vyo kumushingurana iteka.

Uwo mutama afatwa nk’uwaharaniye ukwikukira kw’igihugu ciwe ca Zimbabwe mu kwirukana abakoroni b’abongereza ariko mu nyuma agahava afatwa nk’umutware atwaza umukazo, yapfuye ku musi wa gatanu w’indwi iheze igenekerezo rya 6 Nyakanga 2019 akwije imyaka 95 y’amavuko.

Ku kibuga c’indege yakiranywe iteka ridasanzwe aho isandugu yarimwo yari ifutswe n’ibendera ry’igihugu kandi abanyacubahiro batari bake harimwo n’umukuru w’igihugu bari bahishikiye ndetse n’abasirikare bakomeye hamwe n’abanyagihugu batari bake bari baje kwakira ico kiziga aho caciye kijanwa ahasanzwe hari inyubakwa yiwe mu birori vyo kumusezera ubwa nyuma.

Bikaba bitegekanije ko uyu musi ikiziga ciwe bagitwara mu kibuga c’umupira w’amaguru citwa Rufaro kugira bagisezere kandi hama ace yongera atwarwe mu masaha y’inyuma ya sasita ku gatumba iwabo Zvimba ahasanzwe hari inzu yiwe.

Ibirori vyo kumusezera ubwanyuma bikaba bitegekanijwe ku wagatandatu ku kibuga c’umupira w’amaguru ci Harare ku murwa mukuru gisanzwe cakira abantu benshi bashika ku 60 000. Bitegekanijwe rero ko amaziko azoba ku musi w’Imana ariko bikaba bigiteye ikibazo hagati ya Leta n’umuryango wa Mugabe kuko muri Leta bashaka kumushingura ahasanzwe hashingurwa abantu biteka bagize ico bamarira igihugu muga umuryango wiwe nawo ukaba ushaka ko yoshingurwa ku gatumba iwabo nk’uko Mugabe ubwiwe yari yarabibasavye.

Mwomenya ko muri ivyo birori hategekanijwe kuzoba hari abanyacubahiro batari bake nk’umukuru w’igihugu c’ubushinwa Xi Jinping , uwahoze arongoye igihugu ca Cuba Raoul Castro, umukuru w’igihugu ca Afrika y’epfo Cyril Ramaphosa, umukuru w’igihugu ca Nigeria Mohammadu Buhari hamwe na Félix Tshisekedi arongoye Repubilika iharanira demokarasi ya Congo.

Facebook Comments

Most Popular

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Umukuru w’igihugu Evariste Ndayishimiye n’umutambukanyi wiwe bashitse amarembe i Libreville

Umukuru w’igihugu c’Uburundi Evariste Ndayishimiye ari kumwe n’umutambukanyi wiwe Angéline Ndayishimiye bashitse impore amarembe i Libreville ku murwa mukuru w’igihugu ca Gabon aho bagiye...

Diaspora: Amarushwa ashobora gushikira umuntu kubera ari mu mahanga.

Ba Sokuru nibo bayamaze bati amahanga aragurana! Twihweje igitabo citwe "The Seven habitis of Highly effective people" candistwe n'uwitwa STEPHEN Corvey, turasangamwo ahantu avuga ko...

Diaspora News : Dusenge Ketty Ange asubiye guserukira Uburundi mw’ihiganwa mpuzamakungu

Abicishije kumbuga ziwe, ni Dusenge Ketty Ange yatumiriye abarundi n’abarundikazi kumushigikira mu kumutora kuba umunyamideri w’umwaka aho yanditse ubutumwa agira ati: “Nitwa DUSENGE Ketty Ange...

Facebook Comments