Home Burundi Uwankiye Kidum kuzoririmbira mu Rwanda ntaramenyekana

Uwankiye Kidum kuzoririmbira mu Rwanda ntaramenyekana

Igipfungu cinshi nico kirangwa mu majambo asobanura ibura rya Kidum mu giteramo Kigali Jazz Junction co mu mpera z’uku kwezi i Kigali mu Rwanda.

Mu gihe Kidum we avuga ko yabwiwe ko uburongozi bw’igisagara ca Kigali aribwo bwatanze itegeko ko atokwitabira ico giteramo, nk’uko yabiyagiye ikinyamakuru BBC co mu bwongereza.

Nta mpamvu n’imwe nabwiwe. Abateguye igiteramo bambwiye ko ubuyobozi bwa Kigali bwababwiye ko ntemerewe kuja muri ico giteramo.

Naho we yahawe izo nsiguro, ubuyobozi bw’ico gisagara nabwo bukaba butanga insiguro zitandukanye nk’uko ikindi kinyamakuru kibishikiriza. Akoresheje urubuga rwa Twitter, umuyobozi w’ico gisagara yaciye abihakana aho yavuze ko badashobora kwanka ibitarasabwa.

“Ntabwo Umujyi wa Kigali wigeze wanga ko umuhanzi Kidumu aza gucurangira muri Kigali kuko ntabwo yigeze anabisaba. Niba hari gahunda afite yo kuza gucuranga, hari inzira bicamo akabisaba. Kugeza uyu munsi nta busabe bwe turabona.”

Naho indimi zimaze kuba 2, abasanzwe batunganya ico giteramo nabo ntibarava mu gacerere ngo bagire ico babishikirizako gifashe. Mw’itangazo bashikirije, basavye imbabazi gusa kuba Kidum atazoboneka.

Ivyo bikaba bibaye mu gihe yarahejeje gukora ibiteramo 2 muri ico gisagara nyene mu kiringo c’indwi 2 gusa, yugurura akabare gashasha mu gace kitwa Kimironko.

Ibibazo bikaba bibaye vyinshi, nimba hoba harimwo ikibazo ca Politique, nimba yoba yakoze ikosa, nimba abategura igiteramo aribo batamushatse, bikanka ko babimubwira, n’ibindi vyinshi.

Mwokwibuka ko Kidum ari kimwe mu bihangange bikunzwe muri ico gihugu, kandi kimaze kuhakorera ibiteramo bitari bike, mbere anahakorera indirimbo zitari nke, zaba iziwe co kimwe n’izo yafashije abandi.

Facebook Comments

Most Popular

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Facebook Comments