Home homepage Vital'o Fc yaraye inyagiwe na Bumamuru Fc ibitsindo 5-2

Vital’o Fc yaraye inyagiwe na Bumamuru Fc ibitsindo 5-2

Kuri uyu wa Mungu waraye uheze igenekerezo rya 27 Gitugutu 2019 isaha indwi n’igice ku kibuga c’intwari kiri i Bujumbura niho umugwi Vital’o Fc wari wakiriye umugwi Bumamuru Fc mu rukino rw’indwi ya 11 y’ihigamwa ryo mu cicaro cambere mu Burundi Primus ligue .

Ku munota wa 8 wo mu ntango y’urukino umukinyi wa Vital’o Fc waronse igitsindo c’urukino gitsinzwe na Moussa , Bumamuru yaragerageje kurondera igitsindo co kugombora ariko biranka igice ca mbere kirangira Vital’o Fc iri kw’isonga ry’igitsindo 1-0 bwa Bumamuru Fc.

Binjiye mu gice ca kabiri Vital’o Fc yaje n’ishaka ryo kurondera igitsindo ca kabiri gushika aho Papa Claude akorerwa ikosa muri Surface Vital’o ironka penariti yiinjizwa na kizigenza Djuma Nzeyimana ibitsindo biba 2-0 .

Bumamuru ntiyacitse intege yararondeye igitsindo gushikaho irakironka ku munota wa 55 gitsinzwe n’uwo bita Messi haciye akanya Raoul Byamungu yinjiza ica kabiri biba 2-2. Impinduka umumenyereza wa Bumamuru Fc yakoze yinjiza uwitwa Eddy Nimubona haciye akanya gato nko ku munota wa 79 uyo Eddy nyene yaciye atsindira igitsindo ca 3 umugwi Bumamuru Fc , Raoul asubira yinjiza ica 4 ku munota wa 85 ica gatanu cinjizwa n’uwitwa Kala Omar iminota 90 ica irangira Bumamuru inyagiye Vital’o Fc ibitsindo 5-2.

Vital’o Fc ikaba yari yakinye urwo rukino idafise kizigenza wabo ariwe Dusabe Olivier bivugwa y’uko yoba ari mu bihano .

Mukamenya y’uko Vital’o yaciye irara mu kibanza ca 6 n’amanota 16 n’urukino rumwe rw’ikirarane utarakina.

Facebook Comments

Most Popular

Imyambaro ishika ku 500 yanditsweko Saidi Ntibazonkiza igiye gushirwa ahabona

  Uwusanzwe ari umuvugizi wa Yang Africans Antonio Nugaz yavuze y’uko umukinyi w’umurundi Saidi Ntibazonkiza agiye kwitegurirwa bimwe bikomeye. Mu kiganiro yakoranye n’imwe mu mboneshakure yo...

Breaking news: Papa Bouba Diop wa Sénegal yaraye aryamiye ukoboko kw’abagabo

Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye...

PLB : Uku niko imigwi igiye guhura kundwi ya 12

  Inyuma y’aho inkino za CAF Champions league hamwe na CAF conféderation Cup zirangiriye mu mpera zindwi iheze aho imigwi yacu yari yaserukiwe na Messager...

Diaspora News: Abahamagarira kwitaba inama yo kurabira hamwe igituma baguma bagandagurwa

Mu butumwa aheruka kurungikira ubuserukizi bw’ibihugu vya Afrika buri mu gihugu c’Uburusiya, umuserukizi w’Uburundi muri ico gihugu Edouard Bizimana abahamagarira kwunga urunani maze biyamirize...

Facebook Comments