Home Burundi "Mutombola hoshiii, Mutombola gooo! Niyirukanwe!".

“Mutombola hoshiii, Mutombola gooo! Niyirukanwe!”.

Kuri uyu wa kabiri waraye uheze igenekerezo rya 19 Munyonyo 2019, umugwi nserukira gihugu w’intamba mu rugamba wari wakiriye umugwi nserukira gihugu wa Maroc mu rukino rwa kabiri rwo kurondera itike yo gukurakuranamwo yo kurondera itike yo kwitabira inkino za CAN 2021 izobera muri Cameroun.

Intamba mu rugamba zikaba zaraye zimaramajwe i Bujumbura mu gutsindwa ibitsindo 3-0 na Maroc ivyatumye abakunzi b’umupira w’amaguru biyamiriza umumenyereza w’intamba mu rugamba Alain Olivier Niyungeko bavuga y’uko batakimukeneye mu ntamba mu rugamba abandi bakanavuga y’uko batazosubira kurorera inkino z’umugwi nserukira gihugu w’intamba mu rugamba mugihe Olivier Niyungeko azoba ariwe akimenyereza uwo mugwi.

Baririmba bati “Mutombola Hoshiii, Mutombola Hoshiii , Mutombola Gooo , Umumenyereza yatuzaniye abakinyi b’uburofa”.

Abandi nabo baguma bakorora amosozi bavuga bati :

” Dushaka Mutombola atange imihoho niwe yatsindishije umugwi turababaye imitima ntituzosubira mu kibuga Mutombola adahinduwe ataraho nta mufana azogaruka kuri Stade kubera dufise abakinyi ariko ntazi ingene abapanga mu kibuga”

Gutsindwa na Maroc vyatumye Uburundi bufata ikibanza ca nyuma, amanota ubusa hamwe n’umwenda w’ibitsindo bitanu.

Yamara naho bimeze uko, kuva Alain Olivier Niyungeko ahawe amabanga yo kumenyereza umugwi nserukira gihugu w’intamba mu rugamba mu mwaka wa 2017 uyo mumenyereza ntiyari bwigere atsindirwa ku kibuga c’intwari.

Facebook Comments

Most Popular

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Facebook Comments