Home homepage Gaston Sindimwo agiye kurongora umugwi Inter Star

Gaston Sindimwo agiye kurongora umugwi Inter Star

Kuri uyu wa kane igenekerezo rya 28 Munyonyo 2019 isaha icumi na zibiri 18h00 ku rugo rw’icegera ca mbere c’umukuru w’igihugu Gaston Sindimwo niho habera ibirori vyo guhabwa icese uburongozi bw’umugwi Inter Star.

Icegera ca mbere c’umukuru w’igihugu akaba yarahawe icese amabanga yo kurongora umugwi wa Inter Star umwe mu migwi ifise abakunzi benshi hano mu gihugu cacu c’Uburundi.

Gaston Sindimwo yaciye atora abazofashanya gutora comité yiwe nshasha akaba ari aba bakurikira:

1) Président : Gaston Sindimwo
2)1èr Vice Président : Déo Ngendahayo
3) 2èm Vice Président :Olivier Kadodo

4) Secretaire Géneral: Célestin Hakizimana.

Inter Star ni umwe mu migwi ikomeye wagiye uraronka ingorane z’uburyo kuva mu mwaka wa 2008 aho wasanga utarambana n’abamenyereza kumvo z’uko waba wabuze amahera yo kubariha imishahara yabo ingorane zarabandanije gushikaho umugwi ukorokera mu cicaro ca kabiri mu mwaka wa 2018 munyuma abarongozi b’uyo mugwi bakora uko bashoboye babona kuwugarukana mu cicaro ca mbere.

Gaston Sindimwo akaba yiyongeye ku bandi banyeporitike bafise imigwi barongoye isanzwe iri mu cicaro ca mbere nk’icegera ca kabiri c’umukuru w’igihugu Joseph Butore (Bumamuru ), umukuru w’inama nshingamateka Pascal Nyabenda (Les Elephant) , umukuru w’inama nkenguzamateka Révérien Ndikuriyo (Aigle Noir), umuhuza w’abarundi Edouard Nduwimana (Kayanza United) hamwe na Denis Karera (Musongati Fc).

Mukamenya y’uko umugwi Inter Star wari urongowe na Déo Ngendahayo uyo nawe igihe yahabwa ayo mabanga yari yiyemeje y’uko azokora ibishoka vyose kugira abakinyi ba Inter Star bamererwe neza mu kubaronderera abantu bakomeye mu gihugu bazobashigikira akaba yaraye abishitseko.

Facebook Comments

Most Popular

Agriculture: Ntacobuza ko ikigoti kimwe kivamwo ibiro birenga 20

Mu gihe igiterwa c’imyumbati citaweho neza, ngo ikigoti kimwe gishobora kuvamwo umwimbu ushimishije cane. Aho yari yagendeye intara ya Gitega neza na neza muri karitiye...

Abakinyi ba Musongati Fc bafashe urugendo berekeza muri Zambia

Mu gatondo ko kuri uyu wa gatanu igenekerezo rya 04 Kigarama 2020, niho umugwi Musongati Fc w’i Gitega wafata indege werekeza mu gihugu ca...

Ivyokorwa kugira ngo imyuzure igabanuke mu gisagara ca Bujumbura

Abanyagihugu bo mu gisagara ca Bujumbura ngo barakwiye kwubaka amazu bisunze amategeko agenga ivyo kwubaka kugira birinde guterwa n'imyuzurira yama yibonekeza, ikonona ibintu bitari...

#YBSP| Sorora ikaye abana bave mw’ibarabara baje kwiga

Birahoboka kandi biramaze no gushoboka gukura abana mw’ibarabara abana bakavamwo imisore n’inkumi nziza zifise kazoza keza.   Urukundo no kwitanga vy’umwumwe mu barundi bagize ihuriro ry’urwaruka...

Facebook Comments