Home Burundi David agiye gusubira gushira ahabona indirimbo ziri mu kirundi

David agiye gusubira gushira ahabona indirimbo ziri mu kirundi

David ngo ntiyibagiye abakunzi b’ibikorwa vyiwe bakunda ururimi rw’ikirundi, kuko ariko abategurira urukurikirane ruzoshirwa ahabona vuba cane.

Inyuma y’igihe ari mu gacerere gakomeye cane, David Nduwimana asigaye yitwa David Trésor ku rubuga rwa Facebook yagize ico avuga kw’igaruka ryiwe mu muziki ndundi.

Muri Video yashize ku rubuga rwiwe rwa Facebook yavuze ko yaragize igihe afatiriwe n’ibikorwa vy’ukwitegurira Album y’indirimbo ziri mu congereza yakoranye n’umurwi wo kuririmba asanzwe arimwo. Izo zikazosohoka mu kwezi kwa 4.

Ariko naho biruko, David yavuze ko atibagiye ivy’ukuririmba mu rurimi kavukire, kuko yafashe akanya ko kwandika uturirimbo turi mu rurimi rw’ikirundi. Zimwe murizo akavuga ko zizoshirwa ahabona mu kwezi kwa 2 kw’umwaka uza.

David akaba yanavuze ko hari ama video agiye kuza arakora atangurira isohoka ry’izo ndirimbo, akazoza arasohoka buke buke.

David ntiyariye umunwa mu kuvuga ko akumbuye igihugu camwibarutse, n’abaho, akavuga ko Imana ibikunze azoza igihe kigeze.

Mwokwibuka ko David ari umwe mu baririmvyi bari bakunzwe cane hano iwacu, akaba yabarizwa mu rusengero rwa Life Center imbere yuko yerekeza mu gihugu can Australia aho abarizwa muri kino gihe.

Facebook Comments

Most Popular

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Facebook Comments