Home Burundi #Urwevu| Mariage| Ukwubaka si ukwubika Inda! Tsinda ishavu musubire Muyage!

#Urwevu| Mariage| Ukwubaka si ukwubika Inda! Tsinda ishavu musubire Muyage!

Isanamu ngereranyo y’umutekamutwe

Aha tugarutse kuri wa Musozi Mariage kenshi na kenshi ukunda guhura n’ibihuhusi, bimwe mbere bikaza bimeze nka bimwe bita TSUNAMI aho bitema bigatongora, ingo zikabomoka, abubatse bagasanzara imitima, umuntu akonda agasigara ku mutwe gusa nayo ivyari ibibondo bigasigara mu ngaratete!

Uwo musozi rero aho ugoreye n’uko uhagaze ku bishobisho ndemanwa. Nizo nkingi zawo, mamuko yawo. Yamara abaciye akenge bobo baraheza bagaca nyabuna bihutira kuwushigikiza inyigisho duhabwa n’Uwaturemye, Imana Dawe wa Twese. Nk’uko tubibona hirya no hino mu vyandiko vyeranda aho twerekwa ko mu gihe tutobiha izo nkingi vyoba bisa nk’ukwubaka inzu ku mushinge w’umusenyi gusa. None n’uwogira ati ukwubakira ku ngingi z’ibishobisho gusa uba usa n’uwubakiye ku mucanga gusa ntiyoba ashikuje!!!

Yamara tukiri kubishobisho nyene, kenshi nya vyayo nyene biba bishushe cane nk’ibirunga ( Volcan) mu kiringo bikiri ku ntango. Ivy’ukumenye ko biheza bikabandanya uko nyene ntawobijamwo cane, kuko uwumaze kwurira uwo musozi wese iryo banga ararizi!

Hano gusa n’akabanga abahinga batwibira. Burya ngo umuntu wese afise muri Kameremere k’ukwumva yifuza kuba umuntu w’agaciro. Kenshi rero uraraba neza, kenshi urya yama atuma zirara zirasha hari igihe aba aribwo buryo bw’ukwerekena ko afise agaciro kukubera yakwihweeeeeje agasanga ivyo ugira vyose nta gaciro umengo uramuha.

Iyumvire, muri iyo nzira imbere y’ukwihereza imisozi uja kuraba , Parrain canke Marraine, Patiri, Pasitori canke abavyeyi. Kandi uribuka ntiwihutire kumukurako agahuzu kuko imvura irara irarwa bwaca igahita. URIBUKA AKAJAMBO MWAYAZE MWONGERE MUYAGE. NTA MVURA IDAHITA!

Facebook Comments

Most Popular

Umugwi Musongati Fc washitse neza i Lusaka muri Zambia

  Umugwi Musongati Fc wo mu ntara ya Gitega waserukiye Uburundi mu mahiganwa ya CAF Confederation Cup waraye ushitse neza i Lusaka mu gihugu ca...

PLB : Uku niko imigwi izohura kundwi ya 13

  Kuri uyu wa gatandatu igenekerezo rya 05 na 06 Kigarama 2020, ihiganwa ryo mu cicaro ca mbere mu Burundi Primus league rizobandanya kundwi yaryo...

Olivier Niyungeko niwe yatahukanye agashimwe k’umumenyereza w’ukwezi kwa Munyonyo

  Ata gukekeranya umumenyereza w’umugwi Vital’o Fc akongera akaba icegera c’umumenyereza w’intamba mu rugamba Alain Olivier Niyingeko niwe yatahukanye agashimwe gasanzwe gatangwa na BCM Burundi...

Ahamagarira abana kwiga urukino rwa Karaté

Mu bihe vy’ibiruhuko abamenyereza mu nkino zitandukanye baratunganya ivyirwa ku bana baba bari mu karuhuko, nko mu nkino za Football, na Basketball hamwe na...

Facebook Comments