Uwahoze ari Umumenyereza mukuru w’umugwi nserukiragihugu w’Uburundi Intamba mu rugamba Etienne Ndayiragije abandanya avyitwaramwo neza mu gihigu ca Kenya aho asanzwe amenyereza umugwi Police Fc .Umugwi wiwe akaba yawusanze uri mu kibanza ca 17 ariko ubu akaba awugejeje mu kibanza ca 4.
Ku munsi wa gatandatu igenekerezo rya 14 kigarama umwaka wa 2024 niho umugwi Police Fc umenyerezwa n’umumenyereza w’umurundi Etienne Ndayiragije wakina urukino rw’indwi igira 12 mw’ihiganwa ryo mu c’icaro ca mbere mu gihugu ca Kenya ,aho wahuye n’umugwi Gormahia .Urwo rukino rwarangiye umugwi Police Fc utsinze umugwi Gormahia igitsindo 1 ku 0 , igitsindo cinjijwe ku munota wa 63 w’urukino n’umukinyi Alvin Mangeni .
Etienne Ndayiragije kuva aho ashikiye muri uyo mugwi Police Fc ntaratakaza urukino na rumwe . Yashitse Police Fc iri mu kibanza ca 17 aho wanganya amanota n’umugwi wanyuma wa 18, ariko muri kino gihe umugwi Police Fc uri mu kibanza ca 4 n’amanota 20. Uyo mugwi ukaba ufise inkino 2 z’ibirarane.
Etienne Ndayiragije akaba yaheruka gusezererwa mu mabanga yo kumenyereza umugwi nserukira gihugu w’Uburundi Intamba mu rugamba kumvo z’umusaruro utagenze neza .
