Abakinyi 23 bazofata urugendo rubashikana mu gihugu ca Mali bamenyekanye

Bari kumwe n’umumenyereza mukuru Alain Olivier Niyungeko hamwe na Amouri Manirakiza icegera ciwe, bamaze gushira ahabona abakinyi 23 bazofata urugendo ruzobashikana i Bamako muri Mali mu nkino zibiri zo kurondera uburenganzira bwo kwitabira inkino z’igikombe ca Afrika muri Maroc (CAN2026).

Kw’igenekerezo rya 17 Ruhuhuma 2025 niho hamenyekana abo bakinyi agiye gukinisha muri izo nkino za CAN 2026. Ivyo bikaba bibaye inyuma y’igihe kitari gito bari mu myimenyerezo ku kibuga c’ubuhinga mu Ngagara (CTN).

Abo bakinyi ni aba bakurikira :

Abanyegori ni 3 :
1. UMURERWA Ariella (Top Girls)
2. HABIMANA Faida (Buja Queens)
3. INARUKUNDO Amissa (Police FC, Rwanda)

Abakinyi b’inyuma:

1. NSABIYUMVA Channy (Top Girls)
2. NSHIMIRIMANA Annonciate(Fauntaine Gate,Tanzanie)
3. NSHIMIRIMANA Neema(Top Girls)
4. NAHIMANA Nasra(Top Girls)
5. BUKURU Rachelle(Top Girls)
6. HABONIMANA Espérance(Police Rwanda)
7. Suzane ZILFA (Fauntaine Gate,Tanzanie)
8. KEZA Angélique (Rayons Sport,Rwanda).

Abakinyi bakina hagati mu kibuga :

1. HORAHO Deddy Déricka (Bugesera, Rwanda)
2. KANYAMUNEZA Erica (Police Rwanda)
3. NIYUMWUNGERE Peace Olga(Rayon Sport, Rwanda)
4. ASHA Djafari (Simba Queens,Tanzanie)
5. TUNDA Joyce(BUGESERA Rwanda).

Abakinyi b’abasatizi ni :
1. NIYONKURU Sandrine (FC Masar, Egypte)
2. NZOYIKORERA Rahay-Roy (Top Girls)
3. INEZA Bora (Top Girls)
4. GAKIZA Gloris (Buja Queens)
5. RUMURU Adolphine (Bugesera ,Rwanda)
6. BIZIMANA Rukiya (Rayon Sport, Rwanda)
7. AKIMANA Chanceline(POLICE, Rwanda).

Alain Olivier Niyungeko azoba ariko arafashanya na Manirakiza Amouri hamwe n’umumenyereza w’abanyezamu Muhimpundu Inès. Bakazoba bari kumwe n’abaganga babiri : AZIZA Radjabu hamwe na NISHIMWE Sandrine.

Umugwi nserukira gihugu Intamba mu rugamba mu bigeme bakuze ukazofata urugendo ku musi wa gatatu igenekerezo rya 19 Ruhuhuma 2025. Ni mu gihe inkino nazo zizotangura kw’igenekerezo rya 23 na 26 Ruhuhuma 2025.