Inyuma yo gutorwa nk’umukinyi mwiza yaranze ihiganwa rya Primus League 2024-2025, umukinyi wo hagati w’umugwi Aigle Noir Cs Kamana Karim yerekeje mu mugwi Al Hilal Omdurman wo muri Sudani.
Ku makuru Indundi Sports twaronse n’uko uwo mukinyi yagiye kugeragezwa muri uwo mugwi, bishitse bakamushima nta na kimwe cobuza y’uko uwo mugwi umugura.
Al Hilali Omdurman ni umugwi usanzwe ukinamwo uwundi mukinyi w’umurundi ariwe Girumugisha Jean Claude benshi bazi kw’izina rya Musauza.
Umugwi Al Hilal muri kino gihe uri mu gihugu ca Tanzania mu ntumbero yo kwitegurira ihigawa rya CAF Champions League hamwe n’ihiganwa ryo mu cicaro ca mbere ry’igihugu ca Mauritania bivanye n’intambara iri muri Soudan uwo mugwi waciye uhitamwo kuza urakina ihiganwa ryo muri ico gihugu.
