Kuri uyu wa gatanu igenekerezo rya 03 Gitugutu 2025 igihe c’isaha indwi ( 13h00) , niho Staff y’Intamba mu rugamba isanzwe iba ku mugabane wa Buraya irongowe n’umumenyereza mukuru w’umugwi nserukira gihugu w’intamba mu rugamba washika ku kibuga c’indege c’i Bujumbura.
Iyo Staff y’intamba ikaba yashitse mu Burundi mu ntumbero yo gutegura inkino zibiri zo kurondera itike yo kwitabira igikombe c’isi kizoba mu mwaka wa 2026.
Abagize Staff y’ubuhinga b’intamba mu rugamba bashitse ku kibuga c’indege c’i Bujumbura akaba ari aba bakurikira:
– Umumenyereza mukuru : Sangwa Patrick Mayani
– Icegera ciwe ca mbere : Serge Sarlette
– Umumenyereza w’abanyegori : Arnaud Fransquet
– Team Manager : Mutima Constantin
– Uwujejwe kuhinyanyura amasanamu (Analyst Video) :Zaria Sofiane akaba ari mushasha , yasubiye uwahahora Mohamed Badi.
