Urukino rwahuje umugwi nserukira gihugu Intamba mu rugamba nn’igihugu ca Sénégal kuri uyu wa kabiriigenekerezo rya 19 Munyonyo 2024 rwarangiye Sénégal itsinze Uburundi ibitsindo 2 ku busa.
Igitsindo ca mbere co muri urwo rukino rwahuje Uburundi na Sénégal cabonetse ku munota wa 31 cinjijwe na Habib Diarra, aho ni mugihe n’icakabiri cinjijwe nuwo mukinyi nyene k’umunota wa 51.
Uburundi bukaba bwarasezerewe muri izo nkino zo kurondera uburenganzira bwo kwitabira inkino z’igikombe ca Afrika kizobera mu gihugu ca Maroc mu mwaka wa 2025.
Mu nkino zitandatu Uburundi bwakinye, bwaronse amanota 4 gusa,bukaba bwatsinze ibitsindo 4 butsindwa ibitsindo 11,ayo manota 4,atatu yavuye ku mugwi nserukira serukira gihugu ca Malawi.Mu rukino rwa mbere,Malawi yakira Uburundi mu gihe inota rimwe ryavuye kuri Malawi nyene Uburundi bwakira Malawi mu gihugu ca Côte d’Ivoire
Umumenyereza mushasha Patrick Sangwa Mayani,mu nkino zibiri ari umumenyereza mukuru w’Intamba mu rugamba ntarengeje inota 1 ku manota 6.
Uburundi busigaje kurondera uburenganzira bwo kwitabira inkino z’igikombe c’isi zo mu mwaka wa 2026.Uburundi bukaba bufise urukino mu kwezi kwa gatatu mu mwaka wa 2025 n’igihugu ca Côté d’ivoire.
