Umumenyereza w’umurundi Joslin Bipfubusa ntakiri umumenyereza w’umugwi Kiyovu Sports usanzwe ukina mu c’icaro ca mbere mu gihugu c’Urwanda .Zimwe mu mvo hakaba hoba harimwo ko mu misi iheze hari amafaranga uwo mugwi wahaye bamwe mubakinyi uraheza urirengagiza abamenyereza.
Ico kinyamamkuru canditse y’uko uwo mumenyereza w’Umurundi Joslin Bipfubusa yahisemwo gutanga imihoho Inyuma yo kutihanganira ibibazo biri muri uwo mugwi , na cane cane ivyerekeye uburyo ndetse n’ingene umugwi utwarwa.
Nk’uko vyandikwa n’ikinyamakuru Igihe co mu gihugu c’Urwanda,ku munsi w’Imana ingenekerezo rya 15 Kigarama 2024, Joslin Bipfubusa ntiyigeze agaragara mu rukino rw’ihiganwa ry’icicaro ca mbere mu Rwanda rwahuje umugwi Kiyovu Sports hamwe na Gorilla Fc ruheruka kubera ku kibuga ca Kigali Pele Stadium .
Kutagaragara muri urwo rukino vyerekanye ko uwo mumenyereza w’umurundi Joslin Bipfubusa atakiri mu kazi ko kumenyereza uwo mugwi.
Bimwe mubishobora kuba vyatumye amasezerano n’umugwi Kiyovu Sport ashobora kuba yahagaze, ni uko mu minsi iheze igihe Kiyovu Sports yagerageza guhemba abakinyi bayo bakomeye, uwo mugwi wirengagije abamenyereza b’uwo mugwi ndetse n’abakinyi badakunze gutangura mu kibuga.
Joslin Bipfubusa ahagaritse akazi inyuma yaho umugwi Kiyovu Sports wari wagerageje kumwirukana ubuheruka ariko ukisubirako, kuko wari guca umwishura amafaranga agera ku miriyoni 25 z’amanyarwanda.
Umugwi Kiyovu Sports muri uyu mwaka w’inkino wa 2024-2025 waranzwe n’ibibazo bikomeye bijanye n’uburyo n’ibindi bitandukanye , kuko wafatiwe ibihano vyo kutagura umukinyi n’umwe n’ishirahamwe ry’umupira w’amaguru kw’isi FIFA bivanye n’amafaranga uheraniye abakinyi bamwe bamwe wirukanye bidaciye mu mategeko ndetse n’umumenyereza .
Joslin Bipfubusa yaciye asubirizwa na Marcel lomami umuhungu w’umunyegori wakera wa Vital’o Fc Lomami.
