Inyuma yo gukatisha itike urikuye k’umugwi Dynamo BBC mu nkino za playoff,uwo mugwi ugaca uronka uburenganzira bwo kwitabira inkino za Road to BAL zabereye muri Tanzaniya,Umugwi Urunani BBC ugiye kwitabira inkino inkino za ELITE 16 kuva ku magenekerezo ya 28 Munyonyo 2024 gushika ku magenekerezo ya 03 Munyonyo 2024 mu gihugu ca Kenya.
Izo nkino za ELITE 16 zo mu karere k’ubuseruko zigiye kubera ku kibuga ca Kasarani_Indoor_Arena kiri muri ico gihugu ca Kenya.Iryo higanwa ritegura kwinjira mu nkino nyezina za BAL,imigwi igiye kwitabira iryo higanwa ikaba ari 8 harimwo n’umugwi Urunani uzoba userukiye igihugu c’Uburundi.
Iyo nayo ni Nairobi City Thunder,umugwi wo mu gihugu ca Kenya,Matero Magic wo muri Zambie,City oilers wo mu gihugu ca Ouganda,umugwi MBB wo muri Afrika y’Epfo,Brave Hearts wo mu gihugu ca Malawi,umugwi FOX wo mu gihugu ca Sudani y’epfo hamwe n’umugwi NBA Academy Africa.
Umugwi uheruka kwitwara neza muri iryo higanwa wari Dynamo BBC wari waserukiye Uburundi mu mwaka wa 2023-2024,uza kuvamwo kubera ikirango cari ku mpuzu imigwi yose yari yagiye muri iryo higanwa,benshi bakibaza bati mbe mugihe ico kirango ari Logo cosubira kwibonekeza Urunani tuzoca rubigenza gute.
