Umuririmvyi Wiz Designer avuga ko indirimbo yayikoreye abakunzi b’umuziki kuko bari bagize imisi bamubwira ko bakumbuye ibikorwa vyiwe bica bihurirana nawe yari mu myiteguro yo kuyikora. Afise umugwi African Bain man bariko bafashanya mu gukora umuziki ndundi kugira ngo ibikorwa vyiwe bishike kure .
Uwo muririmvyi Uwimana Christian azwi nka Wiz Designer ashikiriza ko iyo ndirimbo iri m’ururimi rw’iki Espagnol ikaba yanditswe mw’ijoro abifashijwe na bangeziwe. Wiz agira ati: “ijambo ry’umutwe ry’iyo ndirimbo ari “Mi vida” bisigura ubuzima bwanje, hama “latido” bigasigura aho umutima utera. Igitero ca kabiri caramufashe umwanya munini kugira ngo candikwe vyose akaba abishima kuko indirimbo yasohotse ifise amasanamu meza n’aho habaye intabamyi ku masanamu yari yafashwe siyo yakozwe ariko vyose ni k’umungambi w’Imana.
Christian amenyesha ko uguteba gusohoka kw’iyo ndirimbo aruko habaye intambamyi y’uwo bari kumwe mu gikorwa yaciye ahagarika umwanya muto ariko vyose arashima uko biri kwose. Avuga ko agiye gukora cane muri ino misi akaba afise umugambi wo gusohora iyindi ndirimbo nshasha mu mezi ari mbere. Ahamagarira abakunzi biwe ko boguma bamukurikirana ku mbuga ziwe kugira ngo babandanye babona ibikorwa vyiwe bishasha.
Wiz Designer agira ati: “ndose nk’umu manager twokorana tugabura hagati kuko ivyo uwa mbere yankoreye sinobisubiramwo noca nkora akazi neza gusumba. Designer avuga ko afise indirimbo 5 azokorana n’abandi baririmvyi bari mu Rwanda na Tanzaniya ivyo bikorwa akaba ariko avyitegurira kugira ngo agume aryohera abakunzi biwe. Arashimira abakunzi biwe badahegeshanya gukurikirana ibikorwa vyiwe.
