Umuririmvyi Big Fizzo ari mu rugendo rw’akazi mu gihugu ca Canada aho yiteguriye guteramisha abarundi n’abandi basanzwe baba muri ico gihugu .Uyo muririmvyi yaramaze imisi mu gihugu c’Ubutaliyano akaba kandi aheruka gusohora izindi ndirimbo ziwe zibiri.Uyo muririmvyi aranagira nico avuze kukutumvikana hagati ya Dj Paulin na Dauble Jay.
Uyo muririvyi w’umurundi Mugani Désire azwi kw’izina rya Big Fizzo aho yaramaze imisi itari mike ari mu gihungu c’Ubutaliyano ashikiriza ko afise ibiteramo bitari bike azokora mu bihungu bitandukanye iburaya hamwe no ku mugabane wa amerika ya ruguru mu gihugu ca Canada mu gisagara ca Edmonton.
Big Fizzo asanzwe ariwe nyene inzu ihinyanyura umuziki (Bantu Boy) akaba anaheruka no gusohora indirimbo zibiri , imwe ikaba yitwa Maria iyindi nayo Umo ndani . Mugani Désire amenyesha ko iyo ndirimbo ya Maria ari nayo yazanye ibindi biteramo .Fizzo asigura ko kugirango umuntu aronke abatamvyi (Danceurs) arinda guca mumashirahamwe yabo akavuga ko kuba umuririvyi arakazi gashobora kukubeshaho umuntu ukuri kwamye .
Mugani Désire ashikiriza ko ukutumvikana kuri hagati ya Dj Paulin na Double Jay kwari bo bonyene bazi ivyo bapfa ,agahanura ko boreka gutanako amajambo nyimba hari icandiko baheze bagishire ahabona hama ivya majambo bihere .
Uyo muririmvyi amenyesha ko abaririvyi bakwiye kugira urupfasoni (discipline) kuko umuririmvyi aba ari umuntu afise ibihumbi vy’abantu bamukurikirana.
