Umukinyi w’umurundi yari asanzwe akinira umugwi w’igiporisi c’Uburundi Rukinzo, Destin Maniriho yaraye akinye urukino rwa mbere mu mugwi wiwe Mushasha As Far Rabat usanzwe uri mw’ihiganwa ryo mu cicaro ca mbere muri gihugu ca Maroc.
Hari kuri uyu w’Imana igenekerezo rya 02 Ruhuhuma 2025 aho umugwi FAR Rabat Maroc wari uramutse utana mu mitwe n’umugwi Olympique Dcheira mu rukino rw’indwi igira 5 rw’igikombe citiriwe Excellence Cup. Urwo rukino rwarangiye As Rabat itsinzwe igitsindo 1-0.
N’ubwo umugwi akinamwo watakaje urwo rukino, umukinyi wa kera w’umusatirizi wa Rukinzo, umurundi Destin Maniriho yinjiye mu kibuga mu gice ca kabiri c’urukino akina iminota 45 yari isigaye.
Destin Maniriho yarangije ihiganwa rya Primus League 2023-2024 afise ibitsindo vyinshi kurusha abandi.
Mwomenya ko Destin Maniriho aza kwerekanwa icese ku mbuga z’umugwi As Far Rabat kuri uyu wa mbere igenekerezo rya 03 Ruhuhuma 2025.
