Igisata kijejwe gutunganya amahiganwa mw’ishirahamwe ry’umupira w’amaguru FFB camaze kumenyesha abayobozi b’imigwi ko igice ca kabiri c’ihiganwa rikuru rya Primus League Burundi 2024-2025 kigiye gutangura vuba.
Ico gice ca kabiri c’ihiganwa (phase retour) kizotangura ku magenekerezo ya 17, 18 na 19 Nzero umwaka wa 2025.Ivyo bikaba vyavugiwe mu nama y’abarongoye ishirahamwe ry’umupira w’amaguru mu Burundi, inama yarirongowe na Muyenge Alexandre aramutswa iryo shirahamwe, hakaba hari kw’igenegerezo rya 31 Kigarama umwaka wa 2024 mu kigo c’iryo shirahamwe.
Ico gisata caciye kigirako kimenyesha imigwi ko kwandikisha abakinyi bashasha izokoresha mu gice ca kabiri vyatanguye kuva kw’ igenekerezo rya 01 Nzero 2025 bikazorangira igenekerezo rya 31 Nzero 2025.
Igice ca mbere c’ihiganwa carangiye imigwi nka Aigle noir, Bumamuru, Flambeau du centre hamwe na Musongati ariyo ifata ibibanza bine vya mbere ,mugihe Ac Deira,Moso Sugar hamwe n’umugwi Amasipiri ifata ibibanza vya nyuma muri primus League 2024-2025.
