Umukinyi w’Intamba mu rugamba Jordi Liongola yaraye atsinze igitsindo gikomeye mw’ihiganwa ryo mu cicaro ca kabiri mu gihugu c’Ububirigi.
Hari kuri uyu wa wa gatandatu igenekerezo rya 18 Kigarama 2025 niho umugwi RAAL LA LOUVIERE ukinamwo umukinyi w’Umurundi Jordi Liongola wakira umugwi Anderletch w’abatarenza imyaka 23 mu rukino rw’indwi igira 17 rw’ihiganwa ryo mu cicaro ca kabiri mu Bubirigi . Urwo rukino rwarangiye imigwi yose inganya ibitsindo 2-2 .
Umugwi Anderletch w’abatarenza imyaka 23 niwo watanguye kwinjiza igitsindo biciye kuri Milan Robberetchs Ku munota wa 5 w’urukino , kiza kugomborwa kumunota wa 12 n’Umukinyi wa RAAL la louviere Mohamed Guindo, kumunota wa 43 umugwi RAAL La louviere waronse igitsindo ca 2 cinjijwe n’Umukinyi w’Intamba mu rugamba Jordi Liongola biba ari ibitsindo 2-1 , n’ubwo biri uko umugwi Anderletch w’abatarenza imyaka 23 ntiwacitse intege kuko kumunota wa 50 waronse igitsindo ca 2, iminota 90 ibona kurangira imigwi yose inganya ibitsindo 2-2.
Mwomenyako Umugwi RAAL La Louviere ufata ikibanza ca kabiri n’amanota 35 mu nkino 17 umaze gukina zo mu cicaro ca kabiri mw’ihiganwa ryo mu cicaro ca mbere mu Bubirigi .
