Umurwi YM ugizwe n’imisore ibiri iva mu ntara ya Makamba uvuga ko witeguye gutangaza abatari bake biciye mu ndirimbo bagiye gusohora.Mu kiganiro Indundi Hit Show co ku munsi wa kabiri igenekerezo rya 12 Munyonyo muri studio za Radiyo Indundi Culture bakaba baranavuze ku ndirimbo baheruka gukorana na Sat-B.
Abaririvyi babiri b’abarundi Niyonkuru Yann Jobel na Mfisimana Méthode bavuka mu ntara ya Makamba bagize umurwi YM Muziki bavuga ko bataguye kuririmba mu mwaka wa 2022 ari naho basubiyemwo indirimbo “Dore imbogo” baca baranasohora indirimbo yabo bise “A mon ex” ,iyo ndirimbo yarakunzwe n’abakunzi babakurikirana muri ico gihe .Abo baririvyi bakaba bakoranye indirimbo na Sat-B.
Abo baririvyi bashikiriza ko igikorwa co kuririmba bagikora ariko ntibabona iyo baja bakavuga ko kuvaho basohoye indirimbo bise “Urumufana” baciye bafata intumbero mugukora umuziki kugira nabo bamenyekane ,bakamenyesha ko bitari vyoroshe ariko vyose babikesha umuririvyi Sat-B.
Bizimana Aboubakar Karume batazira Sat-B avuga ko iyo misore ifise ingabire idasazwe kandi ko bakoranye ico bita (collabo) indirimbo bakoze bise “Comme ça” ni uko yabonye ko bafise ingabire akamenyesha ko adapfa kugira collabor ni abaribo bose kuko intumbero yiwe aruko ashaka ko bagera kure bashike noku ndoto zabo.
Iyo mikagara imenyesha ko igiye gukoresha inguvu zidasazwe kandi ko ibikorwa vyabo bizoboneka atari amajambo gusa.
