Melanin Boy ni umuririmvyi w’umurumdi avuga ko icatumye ashira amajambo ku rubuga rwiwe rwa Facebook yavuzweko menshi, aruko indirimbo yiwe yise ”isezerano” yakunzwe n’abantu benshi yari ifise ibikwiye vyose kugira ngo ironke award ariko kubona itigeze ishika mu ndirimbo 10 abona ko ata shingiro bifise. Ivyo ngo bikazobandanya bizotuma abaririmvyi basubira inyuma.
Uyo muririmvyi ahamagarira abantu basanzwe bategura ibijanye n’amahiganwa ko boza barareka abakunzi b’umuziki akaba aribo batora umuririmvyi kuko bavuze ko aribo baza gutora uca usanga bamaze guhengama. Atanga akarorero ko mu mwaka wa 2020 hari hatunganijwe ben’ayo mahiganwa, aho umuririmvyi Kidumu yaciye ashikiriza ijambo avuga ati :«…nk’uyumuririmvyi yatowe nta n’uwonzi, ivyo nivyo bintu bizana ishusho itameze neza mu muziki».
Melanin ashikiriza ko yagiye kuraba ku rubuga youtube chat asanga indirimbo z’abanyamahanga arizo zirabwa cane gusumba iz’abarundi kandi abiravye suko abo baririmvyi bazi kuririmba gusumba abarundi ariko vyose ni kwakubura urukundo. Abaririmvyi bakore, bakure inzigo mu muziki hamwe nokugira ubumwe kuko iyo ufise umutima w’ubumwe ntiwovuga uwundi nabi namba wabonye ikosa urashobora kumukosora mu bwitonzi iyo ubonye igikorwa c’uwundi ntiwokivuga nabi wogiteza imbere kandi abaririmvyi vyoba vyiza bagwije ama ”collabor” hamwe n’amasanamu asa neza.
Abandanya avuga ati :«Nk’abakunzi b’umuziki ndundi bakwiye gukunda ivyabo gusumba ivy’abanyamahaga kuko ubu umuziki ndundi uriko wifata neza muri kino gihe. Dukunde ivy’iwacu hamwe abanyamahanga bazoza kurondera umuziki ndundi».
Muri uno mwaka wa 2025, Melanin Boy amenyesha ko agiye gukorera ahanini hanze y’igihugu aho azoboneka mu biteramo bitandukanye.
