Umuririmvyikazi Natacha Ngendabanka ari kumwe n’umugabo wiwe n’abana aribo Leila Frojo hamwe na Giulio Frojo bagize amahigwe yo gutumirwa muri ”soirée de Gala” mu gisagara ca Palermo mw’izinga rya Sicilia riri mw’ibahari Méditerranée.
Abo batumiye muri iyo ”Soirée de Gala” ninabo bari batumiye mu mwaka wa 2018 muri Teatro Massimo aho uburyo bwabonetse ico gihe bwafashije m’ukwubaka ibitaro mu Burundi tukazomeshwa igihe co gushira ahabona iyo nyubakwa mu kwezi kwa Gatandatu.
Iryo shirahamwe rikaba kandi rifise umugambi wiritiwe Aiutiamo i Burundi ujanye n’ugushigikira hamwe n’ugufasha abana bafise ibibazo vy’umutima aho babatwara mu Butariyano kubavuza kandi bagakira.
Kubera kuva mu mwaka wa 2018 baronse uburyo bwinshi baripfuza kandi kuzokorana na Natacha ikindi giteramo mu ntumbero yo kwegeranya ubundi buryo buzokwubaka ibindi bitaro mu Burundi.
Uyo muririmvyikazi Natacha ni umwe mu baririmvyi bakora ibishokoba kugira umuziki w’uburundi ushike kure ,agahamagarira abo basangiye umwuga wo kuririmba ko boshikana umuziki kure bakirinda kwama batega amaboko iyo bahejeje gusohora umuziki. Arongera agahamagarira abandi baririmvyi gufashanya gushikana ibikorwa vyabo kure no kugiranira urukundo hagati yabo.
