Mu rukino rukomeye rwa El Clasico, FC Barcelona yaraye itsinze ibitsindo 2-0 ironka igikombe ca Laliga cabereye muri gihugu ca Espagne ku ncuro igira 29.
Marcus Rashford niwe yatanguye kwugurura amazamu ku mupira ukunze kwitwa “coup franc”, atsinda igitsindo cahushije umunyezamu Thibaut courtois. Haciye akanya, Ferran Torres na we aca atsinda igitsindo ca kabiri.
Inyuma yo gutsinda ivyo bitsindo, abakinyi ba Barcelona barirutse guhobera umumenyereza wabo Hansi Flick.
Barcelona yabaye iya mbere muri La liga inyuma yo gutsinda inkino 11 zikurikirana. Irusha umugwi Real Madrid amanota 14. Hasigaye inkino zitatu ngo shampiyona irangire.
Ikindi cafashije umugwi wa Barcelona gutwara ico gikombe ni uburyo yari yitwaye ku kibuga Camp Nou, aho yatsinze inkino zose 18.
