Saido ntibazonkiza inyuma yo gutandukana n’umugwi Simba SC wo mu gihugu ca Tanzaniya hamwe na Young African’s, ariko avurwa mu mugwi uduze mu cicaro ca mbere uno mwaka w’inkino wa 2024-2025.
Umugwi KenGold niwo mugwi uriko urarondera uwo mukinyi w’umurundi asanzwe akinira umugwi nserukira gihugu Intamba mu rugamba, umugwi utari mu bibanza vyiza mw’ihiganwa rikuru ryo muri ico gihugu ca Tanzaniya.
Saido ntibazonkiza mu gihugu ca Tanzaniya ni umwe mu bakinyi bari bakunzwe cane kuko muri iryo higanwa bari bamuhaye na kazina ka”Antibiotics”,uwo akaba azwi kandi ku kazina ka”Lion 10″.
Ivyo bibaye mu gihe yari amaze imisi ata mugwi afise kuko yari yararangije amasezerano n’umugwi Simba SC mu mwaka wa 2023-2024.
Saido Ntibazonkiza akaba yaraciye mw’ihiganwa ryo mu gihugu c’Ubufaransa mu c’icaro ca mbere mu mugwi Caen hari mu mwaka wa 2015.
