Uwuromgoye umugwi Aigle Noir Révérien Ndikuriyo yemereye abakinyi biwe imiriyoni 175 z’amafaranga y’amarundi mu gihe boramuka basezereye umugwi ASAS Djibouti Télécom mu rukino rwo gusubiriza rwa CAF Champions League, bisigura ko umukinyi umwe umwe azoronka imiriyoni 5 (5.000.000 BIF) z’amarundi.
Aigle Noir iheruka kunganiriza i Bujumbura ku kibuga intwari 0-0 n’umugwi ASAS Djibouti Télécom mu rukino rwa mbere.
Aigle Noir ukaba ari umugwi ugira kabiri wemereye abakinyi agashirukabute inyuma y’aho Flambeau du Centre yaraye yemerewe agashirukabute kangana n’imiriyoni 50 z’amarundi na Prezida wabo Kazohera Vénérend mu gihe bosezerera umugwi Al Akhdar yo muri Libia.
Mwomenya ko urukino rwo gusubiriza ruzohuza Aigle Noir na ASAS Djibouti Télécom ruzoba ku musi wa gatandatu igenekerezo rya 27 Nyakanga 2025 mu gihugu ca Ethiopia bivanye n’uko Djibouti ata kibuga cemewe na FIFA kihari.
