Intamba z’abigeme batarenza imyaka 15 zatahukanye amadorari ibihumbi (50,000$) muri rya higanwa ry’abanyeshure mu karere ka CECAFA ryitiriwe CAF African Schools Football Championship Cecafa Qulifiers 2024, inkino zariko zibera mu gihugu ca Uganda kuva kw’igenegerezo rya 10 Kigarama 2024.
Umugwi nserukira gihugu Intamba mu rugamba mu bigeme batarenza imyaka 15 baronkejwe ibahasha ingana n’amafaranga y’abanyamerika agera ku bihumbi mirongo itanu (50,000$),inyuma yaho batahukaniye ikibanza ca 3 mw’ihiganwa rya African Schools Football Championship Cecafa Qulifiers 2024.
Ni mugihe abahungu atanakimwe bashoboye kuronka kuko batashoboye kuja mu bibanza 3 vya mbere muri iryo higanwa.
Ella Louange niwe mukinyi w’umwigeme yatahukanye agashimwe k’umukinyi mwiza atarenza imyaka 15 yaranze ihiganwa rya CAF African Schools Football Championship Cecafa Qualifiers 2024 ryari rimaze imisi ririko ribera mu gihugu ca Ouganda.
Irakiza Jean niwe yatahukanye agashimwe k’umunyegori mwiza w’umuhungu atarenza imyaka 15 muri iryo higanwa rya CAF African Schools Football Championship Cecafa Qualifers 2024 ryari rimaze imisi ririko ribera mu gihugu ca Ouganda .Umukinyi mu nkino 4 yakinye ari mw’igori ntiyigeze atsindwa n’igitsindo na kimwe.
Urukino rwa mbere Tanzania yanganije n’Uburundi ubusa kubundi,urwa kabiri Uburundi bunganya na Ouganda ubusa kubundi,urwa gatatu Uburundi bunganya n’Urwanda ubusa kubundi,mu gihe urwa kane Uburundi bwasubiriye kunganya na Somalie ubusa kubundi.
