Legend Kid ni umuririmvyi w’umurundi akaba n’umwanditsi w’indirimbo “Tsunami”. Kid agira ati : “Kugira dukorane igikorwa n’umuririmvyi kazi Esther Nish n’uko umuntu amfasha ibikorwa yambwiye ko vyoba vyiza dukoranye indirimbo na Esther.
Mu kiganiro yahaye insamirizi indundi culture kuwa kane itariki 3 Ndamukiza uyu mwaka wa 2025 ari kumwe Na Esther Nish ashikiriza ko iyo ndirimbo itigeze ibagora bayikoze umusi umwe baca bategura uko bokora amasanam. Arashimira Ester Nish kuvyo yamwigishije mu misi mike bamaranye bakora ico gikorwa kandi uko yamwiyumvira siko yamusanze. Yasaze ari umuntu azi gutahura umuntu kandi ico utazi akikwereka mu bugwaneza.
Esther Nish amenyesha ko kugira bakorane igikorwa na Lengend aruko yabanje kumwuviriza yumva ko afise impano muri we baca barakorana ico gikorwa kandi kikaba cakozwe neza. Nish agira ati “Hariho indirimbo ntarasohora ariko uyu mwaka ngiye gusohora nyinshi cane kugira ndyohere abakunzi banje n’abakunzi b’umuziki.
Legend arasaba abakunzi b’umuziki ko boguma bamukurikirana ku rubuga rwiwe youtube kugira ngo babandanye babona ibikorwa vyiwe. Legend Kid avuga ko uyu mwaka agiye gukora cane umuziki kandi abakunzi biwe bitegure ikintu gishasha kigiye gusohoka vuba.
