Umuririmvyi Douce Marly avuga ko indirimbo yakoze yise “Nzoshikirahe” ari nk’akaganuke yahaye abakunzi b’indirimbo ziwe kuko baguma bamubwira ko yosohora iyindi ndirimbo. Iyo ndirimbo kandi ngo ni inkuru y’ukuri ku buzima bwiwe.
Uwo muririmvyi w’umurundi ashikiriza ko mu rugendo rwiwe rw’umuziki yagiye arahura na vyinshi bimuca intege. Douce agira ati: “Iyaba atari impano yanje nari kuba narahevye ivyo kuririmba kuko umuntu ahura na vyinshi kandi bibabaje ugahura n’abantu bakagusuzugura ariko kubera ko ubuzi ivyo ushaka usanga udacika intege ahubwo uguma ugwanira gukora cane”.
Douce amenyesha mu ntambamyi yahuye nazo ariko arakora iyo ndirimbo, amasanamu ya nyuma yayo yaratakaye bica biba ngombwa ko basubiramwo ariko bikaba vyaragenze neza. Arasaba abakunzi b’umuziki n’aba diaspora kumushigikira kugira ngo nawe ashike aho abandi bamaze gushika.
Marly ahamagarira kandi abakunzi biwe ko boja ku rubuga rwiwe rwa youtube bakagira j’aime na partage.
