Ivyo bisanzwe bikorwa uko umwaka utashe n’ishirahamwe Fondation Pax Burundi risanzwe ritunganya iryo higanwa ryitiriwe incungu (Coupe des Héros) muri basketball. Ni incuro igira 8 batunganije iryo higanwa rizotangura kw’igenekerezo rya 19 Gitugutu gushika ku rya 21.
Imigwi ine yabaye iya mbere mw’ihiganwa rya Vital’o Basketball League 2025 niyo izokwitabira iryo higanwa. Iyo nayo ni umugwi Dynamo, Urunani, Les Hippos hamwe na Remesha.
Muri iryo higanwa umugwi uzoba uwa mbere ukazoronka ibahasha ry’imiriyoni cumi mu mafaranga y’amarundi( 10.000.000 FBu), uwa kabiri 8.000.000 FBu, uwa gatatu 4.000.000 FBu, uwa kane 3.000.000FBu. Ni mu gihe umukinyi azoranga iryo ihiganwa (MVP), azoronka ibahasha vy’amafaranga ibihumbi amajana atanu (500.000 FBu).
Vyashikirijwe n’umuvugizi w’iryo shirahamwe Fondation Pax Burundi, Fabrice Niragira kuri uwu gatanu igenekerezo rya 10 Gitugutu 2025 mu kiganiro ku banditsi n’abamenyeshamakuru i Bujumbura mu nyubakwa z’ikibuga Intwari.
