Umumenyereza w’umurundi Etienne Ndayiragije abandanya yandika amateka mu gihugu ca Kenya.
Kuri uyu wa gatatu igenekerezo rya 22 Nzero 2025 ku kibuga ca Kenyatta Machakos, niho umugwi Police Fc usanzwe umenyerezwa n’umumenyereza w’umurundi Etienne Ndayiragije wakira umugwi Bandari Fc mu rukino rw’indwi ya 17 rw’ihiganwa ryo mu cicaro ca mbere muri Kenya. Urwo rukino rwarangiye Police Fc itsinze Bandari Fc ibitsindo 3-0.
Igitsindo ca mbere cinjijwe na Marvin Nabwire ku munota wa 10 w’urukino, ica kabiri cinjizwa na Kinanga ku munota wa 34 mu gihe igitsindo ca gatatu cinjijwe na Jesse kumunota wa 86 w’urukino.
Police Fc ikaba yaciye ikwiza amanota 33 mu nkino 17 umaze gukina mw’ihiganwa ry’icacaro ca mbere muri Kenya.
Umumenyereza Etienne Ndayiragije yaciye akwiza inkino 9 zose yikurikiranya adatsindwa kiretse ko amaze kunganya urukino rumwe.
Mwomenya ko Ndayiragije Etienne yasanze umugwi Police uri mu kibanza ca mbere 17 mw’ihiganwa ryo mucicaro ca mbere muri Kenya.
