Umukinyi wa kera w’umugwi Aigle Noir Cs w’i Makamba muri kino gihe asanzwe akina mu Bufaransa mu mugwi OGC Nice Youssouf Ndayishimiye yemereye abakinyi ba Aigle Noir Cs agashirukabute.
Hari kuri uyu w’Imana igenekerezo rya 26 Nzero 2025 , aho umugwi Aigle Noir Cs wari wakiriwe n’umugwi Musongati Fc mu rukino rw’indwi igira 17 rwa Primus League . Urwo rukino rwarangiye Aigle Noir Cs itsinze ibitsindo 2-0.
Inyuma yo gutsinda uwo mugwi Youssouf Ndayishimiye yaciye atanga kuri buri umukinyi wa Aigle Noir Cs agashirukabute kangana n’ibihumbi amajana abiri ( 200.000fbu) mugihe umukinyi umwe umwe wo muri Staff nawe amuha ibihumbi amajana atatu ( 300.000fbu).
Mwomenyako uwo mukinyi w’Intamba mu rugamba asanzwe anariha buri ukwezi abakinyi ba Aigle Noir ndetse na Staff , Aho buri ukwezi atanga ayashika Ku Miriyoni 18 z’amarundi .
