Alice Team mutima avuga ko afise indirimbo umunani ziri muri Album akaba yashimye kuba arasohora zitatu gusa. Muri izo zitatu harimwo iyo yise ”Nishike mukono” ikaba imaze imisi mike ku rubuga rwiwe rwa youtube. Iyo ndirimbo yari imaze imyaka ibiri itarasohorwa mu nzu ihinyanyura umuziki kubera uburyo buke.
Mu kiganiro yahaye insamirizi indundi culture kuwa 2 Ndamukiza uyu mwaka 2025 ashikiriza ko ubu afise umuhinyanyuzi amufasha m’ugusohora amasananu ariko arasaba abantu bafise amafaranga ko bomushigikira kugira ngo nawe ashike kure nk’abandi.
Alice agira ati : “Naho ndiko ndakina udukino dutweza ndakeneye abamfata mu mugongo kugira ngo nkore cane nduze iyo yindi mpano mfise yo kuririmba”.
Asaba abantu bafise ubushobozi bwo gukora ibiteramo hamwe n’aba diaspora ko bogwiza ibiteramo kuko hariho abantu bafise impano ariko bakabura aho bashobora kubigaragaza.
Hambavu aho, asaba ko hoza haratunganywa inyigisho ku baririmvyi zibigisha urukundo kuko mu mu baririmvyi benshi ngo nta rukundo bagira ari naco gituma ibikorwa bimwe bimwe bidatera imbere kuko hariho abaririmvyi bamaze kugera kure uvuze ngo uragiye kubegera bakubwira ko ata mwanya bafise ivyo bigaca intege abaririmvyi bagitangura umuzik bigatuma basubira hasi.
Uyo muririmvyi kazi avuga ko vuba agiye gukora callabor n’umugwi Sifa bitarenze mu mezi abiri aza. Arongera gushimira abakunzi biwe uko bavyifatamwo mu kuguma bamukurikirana.
