Umumenyereza w’umugwi Aigle Noir Jimmy Ndayizeye co kimwe n’uwujejwe kwongereza inguvu mu mugwi Aigle Réverien Mbanzendore ndetse n’abakinyi ba Aigle Noir Cs bose baheruka gutumwako mu mugwi nserukira gihugu w’Uburundi Intamba mu rugamba ntibazoboneka mu rukino rwo kurondera itike y’igikombe c’isi c’umwaka wa 2026 ruzohuza Gabon n’Uburundi igenekerezo rya 14 Gitugutu 2025 Francville muri Gabon.
Si abo bakinyi gusa ba Aigle Noir bazobura muri urwo rukino ndetse n’abakinyi ba Flambeau du Centre baheruka gutumwako mu mugwi nserukira gihugu Intamba mu rugamba nabo nyene ntibazoboneka.
Imvo si iyindi ni ko imigwi yabo isanzwe ifise inkino za CAF Champions League na CAF Confederation Cup mu matariki yegeranye.
Abakinyi ba Aigle Noir baheruka gutumwako ni Kevin Icoyitungiye , Bukuru Keita , Kamana Karim , mu gihe muri Flambeau du Centre batumyeko Olivier Dushime hamwe na Edson Munaba.
